عالم النسيــــــــان
A7la As7ab
Saturday, May 5, 2007
اصحاب ولا بيزنس
كلام بسمعه كتير سمعت انه موجود فى حياتنا
اصحاب بتحب بعضها
اصحاب بتخاف على بعضها
الصاحب الوفى
الصديق الصدوق
وهم ولا حقيقه
شعارات ولا مواقف
اقوال ولا افعال
يوم ليـــك ويوم عليــك
بجد جمله معناها كبير اوى ومش اى حد يحس بيها
ممكن فى وقت تلاقى الدنيا كلها حواليك
لما تكون بتدى كل حاجه ومش عاوز اى حاجه
ولما تحتاج حد جنبك
تلاقى الناس كلها بتبعد عنك
ايـــام وبنعيــشها
صحيح مكتوب علينا نعيشها وهى قاسيه علينا
محدش حــاسس بيـــا
اللى كتبها بجد فنان
فى عز ما تحتاج اقرب الناس ليك يبقوا جنبك
تلاقيهم معاك ومش معاك
جنبك ومش حنبك
كلام مش مفهوم .... صور مش واضحه
الدنيا كلها بتعدى ادامك زى شريط السينما وانت بتتفرج وبس
مش عارف اكتب حاجه
مش عارف ارتب افكارى
يارب تكون وصلت
وسلامتـك يــا دمـاغى
posted by Mohammed Osman at 7:18 AM
4 Comments:
السلام عليكم
محمد إزيك ؟؟
يارب تكون بخير بس للأسف اللى انا حساه من كلماتك غير كده
انا كان ليا تعليق على كلماتك بس فجأه راح منى ومش عارفه كنت هقولك ايه
وده عشان انا حاسه انك جواك حاجات كتير مزعلاك ومضايقاك وتعليقى العام اللى هقوله مش هيفيدك فى حاجه طالما انت اساسا عايش فى وافع حالتك ومشكلتك وانت بس اللى تقدر تحس بمدى بعدها وقسوتها
انا جايه تانى وهتكلم يا محمد بس ياريت تحاول انك تبقى أحسن من كده عشان على الاقل تعرف تفكر وتحل اى مشكله انت بتمر بيها
بتمنالك كل الخير يامحمد وربنا يوفقك ان شاء الله
أختك ولاء
شكرا يا ولاء على تعقيبك
وماتخافيش عليا
ان شاء الله هارجع احسن من الاول
لانى اتعودت انى ابقى اقوى من الظروف
واتغلب على المواقف اللى بتقابلنى
سلامتك يا دماغ ميدو
بجد يا محمد بوست تحفة فعلا كلماته معبرة عن حاجات كتير
بس زى ما قالت ولاء حاول تبقى احسن
ماشى حاول
وبجد المدونة جميلة بجد وجوها تحفة وخصوصا الميوزك الحزينة دى
اتمنالك كل الخير يا ميدو
تحياتى
ربنا يخليك يا سيف
نورت المدونه اللى طبعا مش هاقدر انسى ان انت اللى معلمنى ازاى اعملها
Post a Comment
<< Home